COLLEGE WALA PYAAR!

College Wala Pyaar..

Woh lecture tha subha ka..
Naya saal shuru ho raha tha..
Logo ke shor ke beech mein..
Main kisi aur khamoshi ki
taraf mohit ho raha tha..
Osne muskura ke kiya tha
mere dil pe waar..
Woh tha yaaron mera college Wala Pyaar.

Woh pehli thi jis se baat karne
mein jijak mehsus ho rahi thi..
Oske pass jaate hi meri saanse tez ho rahi thi..
Oski khubsurati ko dekh ke mujhe
khudpe thodasa taras aaya..
Isliye Osse impress karne maine mere lehze mein thoda atitude laaya..
Pal bhar mein osne mere attitude ko diya nakaar..
Woh tha yaroon mera college wala pyaar.

Hamari baat baat pe jhadap ho jaati thi…
Hamari ann bann se pure group mein khamoshi chaa jaati thi..
Thak haar kar humne dosti se Shuruaat ki..
Pehli Baar ek dusre se humne hass kar baat ki..
Isi jhamele ko khatam karte karte hamara saal hogaya bekaar..
Woh tha yaaron mera college wala pyaar.

Hum chuttiyon mein aksar call Kiya karte the …
Landline se toh ek pal ki bhi duri hum nahi rakhte the..
Phone par bhi hamesha hum ek dusre se har waqt lada karte the…
Par parwah bhi hum ek dusre ki ab Utni hi karte the..
Khaane peene se lekar har min ki khabar ek dusre ko hum dete the..
Isiliye hum ek dusre ko ab best frends kehte the..
Hum par chaaya tha dosti ka ek alag hi bukhar…
Woh tha yaaron mera college wala pyaar.

Oski aankhein, oski zulfe main oski har ek adaa ka deewana tha..
Par inn sabse zyaada maine oski sadagi ko maana thaa..
Woh apni har baat bade saral tareeke se keh deti thi..
Kisi aur ki galti par woh dusro ke taane bhi Seh leti thi..
Osme chuppi woh masoom si bacchi ko sirf maine hi Pehchaana tha..
Oski awaaz sunke mujhe aajata tha ek meetha sa karaar..
Woh tha Yaaron mera college wala Pyaar.

Final year tha woh mera, naa jaane kaise osse main keh paaonga..
Agar khamosh raha main, toh saari umar pachtaonga..
Agar keh bhi dunga ossko toh dar tha ki
shayad friendzone hojaaonga..
Fir socha maine rehne do iss ehsaas ko, main kuch hi dino mein bhuljaaonga..
Par kya main kabhi sukoon se reh paaonga?
Yehi sab sochte sochte final year khatam
hogaya..
Mera woh Ehsaas na jaane kaha ek pal mein khogaya..
Main shayad bas oska tha ek yaar…
Woh tha Yaaron mera college wala pyaar.

Ek dusre ke bahot hi Kareeb aagaye the hum..
Kuch baatein toh bina bole bhi samaj jaate the hum..
Pehle din se hi main toh ospe marta tha..
Par yeh baat osko kehne se mein darta tha..
Pyaar kabool nah ho, toh koi ghum nahi ..
Bas ek saccha dost osme khone se main darta tha..
Yeh baat kehne ki himmat juta ne mein hi semester khatam hogaya..
Mera woh Ehsaas fir kuch samay ke liye Yunhi sogaya..
Main shayad bahot hi karta tha osse pyaar..
Woh tha Yaaron Mera College wala pyaar.

Kisi bahane se aaj bhi woh mere chehere par khushi laati hai..
Osski kabhi naa jaane wali yaad mujhe humesha aati hai…
Aankhon ke saamne rehti hai woh har waqt..
Toh kabhi mere sapno mein aake satati hai..
Rooh banke woh saath rehti hai mere..
Kehti hai mujhse ke, bas meri dua oske kaam aati hai…
Kehna chahati thi woh bhi bahot kuch mujse..
Par oss haadse ka zikr woh hamesha mujhe karwati hai..
Oske jaane ke baad rishte toh mere hue kai baar..
Par sabse accha tha yaroon woh mera college Wala Pyaar.

By- Manish A.R Makwana

manishmakwana19poem.poetry.blog